My Confession.

Ka nu chuan min tur sek tawh a, khua a vawtin ruah a sur cherh cerh bawk si a, dik tak chuan ka peih lo hle. Mahse a thu han hnial a, han peih loh pui bur lah chu ka duh si lo a, muangchang in ka insiam a, khua a that deuh ka nghak pah bawk a. Chumi ni chu ka nu chu a ngui in a lungngaih hmel em em a, a chhan lah chu engmah a sawi silo. Chu mi ni taka Aizawla kal a duh tut tut mai chu ka ngei viau na in, a tan a pawimawh ve ngang a ni ang, tiin a thu chu ka zawm zawk chauh a ni. “I hman tawh em? Dar sawm a ri tawh a nia, kan thleng tlai lutuk ang, bakah muangchanga tlan a, him dam taka thlen ka duh a nia” tiin ka insiam lai chu a rawn vir deuh sek a. “Enge kan tih dawn reng reng a?” tiin ka han zawr a. “Mitthi vui naah kan kal dawn”. “Tunge thi a?” “Kan chhung hnai deuh te, I hre kher lovang” “Ka pa te lam em ni?” “Aw, chutiang deuh chu a ni. Ka kal lovang ka ti zet na a, mahse va kal leh kha tha zawkin ka hria a” a ti a, a shawl bah chu a siam tha sek sek a. Ka p...

MIZO FILM THAR “WHERE” Kan cousin Es-i’n ticket a zuar a, en a chakawm ve hranpa lawm, tiin ticket chu ka va hauh ve phawt a. Mahse chu mi zan la la chuan Electric Veng Hall ah an chhuah tur thu chu ka hre leh ta si a. Es-i ticket lah chu karleh lam daih a ni bawk si a, mahse kan va lei ta tho a.  Mizo film hrim hrim hi ka ngaina lo va! Ka en tha peih hek lo. Mahse hmasawnna chhete tal ka thlen ve  mahna tiin review ziah ka duh thin si a, ka en ve hram a ni. Electric Veng Hall ah chuan kan kal leh a, kan ticket lei chu an lo pawm lo chu niin, mahse U Mosi-a a lo duty hlauh a, “Kan inchhung ve em em a” tiin ka kar a, an phal ta a. Kan kal tlai bawk nen, kan luh chuan Hall chu an lo khat vek tawh a, tlar hnung berah chuan thu in mizo film thar chu kan en ve ta a. SPOILER ALERT He film hi ila en loh chuan he tah hian STOP hmak ang che. WHERE 2018 Crime/Thiller Duration : Dar 9 atang 11 dawn kan en! A thawnthu tlangpui : Mizo nula pahnih hnathawk turin vairamah an chhuk a, an h...

"SCOOTY" KA EN. Ka thiante zarah VIP ticket ngat mai ka nei ve thei hlauh mai a. Phur takin Scooty nen nilo Bike nen ka tlan phei nghal a. Ka phur em em pawh a nilo, ka enchak vang pawh ni chiah lo, ka chhuak harh chak ve hrim hrim a ni ber. Hawla Auditorium chu kan thawl em em a, boruak a nei ve viau emaw ka ti a, a nei em em lo a nih dawn hi ka ti rilru nauh nauh a. A trailer kha ka en tawh a, ka lungawi tehchiam lo. A chhan chu Thailand movie "Yam yosothon" nen a va inang mai awm ve ka ti a, "Originality" a awm dawn lo a nih hi ka ti a, ka ngaisang lawk lo khawp a. "Director lah chu Mizo a a best a ni a, a film siam reng reng entlak loh a awm ngai em em si lo va, mahse tun tum hi chu a tisual ve deuh dawn a nih hi" tiin ka en hma hauh chuan ngaihdan ka lo siam hman pek a. Mahse ka en ta reng a, "Khiangawia" film nen chuan a inang lem lo. Element tlem tlem chu an lachhawng tih chu a hriat a, mahse 10% pawh a ni kher lovang. [SPOI...

RUANG KHAWHAR. Ka bula mu ka u chu a muhil tawh a, kan piahah chuan U mama fate ho chu a nupui U Thlamuani hovin mu bawk a. Ka muhil thei lo va, tlaiah khan ka inbual lo va, ka bal nasa mai si, ka thak sep sep a, ka muhil thei lo a ni. Ka nu pawh a muhil bik lo tih a thaw atang chuan ka hria a, a chhan chu ka pa chu Vai Sipai hoin an ko leh tlat a, engtin nge an lo tih ang tih chu ka hrethiam chiah lo na a, thil lawmawm tak a ni chuan ka hre bik hauh lo. Kan kawngka chu a rawn ri rak rak a, ka nu chu a tho nghal thuai a, kan bang awng atang chuan ka bih ve nghal thuai bawk a. Ka nu in kawngka a han hawng chiah chu ka pa chu a rawn tlu lut tawp mai a. Ka phu deuh zawk a. A hmai leh a taksate chu thisen in a khat vek a, ka nu chu a au deuh tuarh a. Ka u chu ka kheuh a, tho phang lek lek hian, “Eng nge ni?” a rawn ti a, “A pa a thi dawn niang, i tho ang” ka ti ta ringawt a. Ka u nen chuan hmanhmawh fe in kan tho chhuak a, ka u chu hmeichhia tih takah a tap chu a ni deuh nghal mai ...

DAN ZAWH RUAL LOH Kan veng chu kan tlem em em a, Aizawla Veng te ber pawl kan ni ngei ang. Chuvang pawh chuan mihring kan tlem in a mihringa te pawh chu kan in hre kim deuh vek a, keini, lo awm rei deuh tawh tan phei chuan lo awm thar emaw, naute piang thar te chu kan hre zung zung thin. Chutianga lo awm thar zingah chuan kan kawmchhaka chhungkaw lo awm tharte chu keini chuan kan han tlawhpawh hmasa ber hial a, hmeithai an ni a, unau, hmeichhia hlir pathum an ni a, an fanu upa ber phei chu nula hmeltha tak a ni nghe nghe. An rawn awm tirh atang chuan kohhran an bel nghal chat a, an unau chuan an inkhawm thap thap a, mitthi inah nise an tlaivar thap thap a, lehkhathiam rual tak an nih bawk si avang chuan vengchhung mi te pawh chuan rei lo te ah kan hre nghal thuai a, sawiselna tur reng reng kan hre hauh lo. Kohhran thalai hruaitu ka nihna ang in an unau chu biak that an ngai tih ka hria a, a chhan pawh zaipawl ah an tha dawn hle in ka hria a, hmeichhia kan nei chau in pathum n...

BEISEINA ENG Dt 6/3/2017 Tap hlawp hlawp thawm ka hria a, ka bengchhe ri em ni le tiin ka han ngaithla deuh vang vang a. Ka bengchhe ri chu a ni lo tawp. Sana chu ka han en a, zing dar hnih a lo ri tawh a, eng tak ni ang maw tiin ka tho chhuak a. Kan sitting room light chu ka han on a, pawn lam a tap tih ka hrenghal a, kan parda chu kan keu de de a, kan inchungte balcony atang chuan a ni tih ka hrethiam ta a. Tu tak chu ni ang maw tiin ka inngaihtuah nauh nauh a. An pitar ber chu a ni lo tawp anga, an nu lah chu a nih ka ring chiah bawk si lo a, an nuthlawi chu a nih ka ring ta a. Nuthlawi a nia, ngaihzawngte pawh a nei dem dum anga, an inhau anga, a tap a nih chu ka ring a, ngaihthat lohna pawh nei lem lo chuan ka mutsan ta a. Kan inchung nuthlawi chuan fanu hmeltha deuh mai hi a nei a, a hnute te pawh a um ve lek lek tawh nghe nghe. Amah phei chu ala thalai em em a, kohhranah pawh inhmang in a tangkai hle a ni awm e. Kan kohhran a in an loh avang chuan a nihna chelh te pawh...