A Birthday Zan kha.

 Kha mi zan kha ka la hre reng.

Khua kha a vawt khawp mai a.

A birthday a ni si a, tiin, ka thil.pek tur ho bike ah ka phur bawr luai a.

An inbul ka thlen chuan min lo nghak reng tawh a. A chuang emaw tiin ka tlan leh mai a. Thui fe ka tlan hnu chuan a reh riau in ka hria a, a lo chuang reng reng lo chu niin.

Hmanhmawh lutukin ka tlan let a. Thinrim tawkin min lo melh a. Tum burin a rawn chuang a. Kan tlan chhuak ta nal nal a.

Kei lah ka nuih a za laklawh, ka nui thla vak vak a. Ani erawh chu kan kal tumna kan thlen hma chu a ṭawng tawh lo.


Kan va thlen chuan kan hma deuh hlek a, kan nghak ta a.

A hma zan lawka kan ṭhiannu Birthday kan lawmnaa ka lam nasat lutuk avangin ka chet vel chu a nuam lo khawp a. Ani lah, naupang kum ruk mi ang mai, a che zek zek a. Ven reng a ngai.


Theater chhungah kan lut a. Kan ṭhutna ṭhin 29 leh 30 ah bawk chuan kan ṭhu leh a. Movie hmuhnawm tak en beisei kha The Grudge an remake ngei mai kan en ta a lawm. Thim hlek pawh a min vuan tlat ṭhin kha a ni a, ramhuao an che tak tak mai chu a puakzo darh vek khawpin a hlau a. Kei lah, hlau ve lem si lo, ka lo nui char char a, min vawnna a kut chu nghet takin ka lo chelh a. 

Kan haw meuh chuan zan a lo rei tawh a. Khaw pawna tlan chhuak kan nih bawk si avangin a thim khawp mai a. Ani hlau lehpek, a hawi zuk zuk a, a ri thei ta ngang lo a ni ang, ka hnungah chuan a hmai a rawn phum a, khawchhung kan luh hnu pawh chuan chutiang chuan a awm reng a. 

An veng kan thlen chuan a rawn hawi chhuak a, a hlauh zia leh a thinrim zia chu min hrilh mawlh mawlh a. Keilah chuan hlawhtling inti takin a hmuh loh lamah chuan ka lo nui ver ver a.

An inbul kan thlen chuan A gift tura ka lei te chu ka pe a, a nui sen sen a, lawmthu min hrilh a. Midang chu nise khatah tak khan an fawp ngei ang. Kei lah chuan haw thla vat turin ka hrilh a, lehkha zir a ngaih thu ka hrilh bawk a.

Muang changin a chhuk a, an inbul step a thlen chuan a zuangthla thla auh auh a. Ka en reng a, a lehhawi a, a kut chu a rawn vai lauh lauh a. Kei pawh chu kan inlam panin ka tlan haw ve ta a.

Comments

Post a Comment

Popular posts from this blog

THENAWM NUTHLAWI

Kan in thar chu kan luah lut chauh a, ka pi dam lo nen, kan buai em em mai a. Mahse ka pi ber chuan “In thar aṭang  lo chuan kal ka tum lo, kal mah ila thlamuang pawhin ka kal chuang lovang” a ti vel bawk si nen, Hmanhmawh deuh takin kan luah phei chuk chuk chu a ni a. Kan veng chu Aizawl hmar lam, khawpui hulum takin a chim loh tak a ni a, ṭhenawm tur pawh in li nga emaw lek chauh an awm a, a reh in ka pi pawh chu a ṭha  leh sawt sawt emaw tih tur a ni a. Ka pa phei chu a lawm em em a, amah hringtu pawh ni lo mahse fa ang taka en tlattu a nih avang leh nuhrawn a ni tih pawh lang miah lova a enkawl avang chuan ka pa pawh chuan a hmangaih hle hian ka hria a, a office bang te hi ka pi a pan hmasa ber ziah a, ka pi duh chitin reng chu kan leisak emaw tih mai tur hi a ni. Kan naupan lai phei chuan ka pi chu min awmtu ber a ni a, naupang ho phei chuan kan ngaiin rei tak chhung chu ka pi bulah ka mu nghe nghe. Chutia inthar kan han luah chu kan ṭhenawmte  tur te pawh c...
Read more

RUANG KHAWHAR.

RUANG KHAWHAR. Ka bula mu ka u chu a muhil tawh a, kan piahah chuan U mama fate ho chu a nupui U Thlamuani hovin mu bawk a. Ka muhil thei lo va, tlaiah khan ka inbual lo va, ka bal nasa mai si, ka thak sep sep a, ka muhil thei lo a ni. Ka nu pawh a muhil bik lo tih a thaw atang chuan ka hria a, a chhan chu ka pa chu Vai Sipai hoin an ko leh tlat a, engtin nge an lo tih ang tih chu ka hrethiam chiah lo na a, thil lawmawm tak a ni chuan ka hre bik hauh lo. Kan kawngka chu a rawn ri rak rak a, ka nu chu a tho nghal thuai a, kan bang awng atang chuan ka bih ve nghal thuai bawk a. Ka nu in kawngka a han hawng chiah chu ka pa chu a rawn tlu lut tawp mai a. Ka phu deuh zawk a. A hmai leh a taksate chu thisen in a khat vek a, ka nu chu a au deuh tuarh a. Ka u chu ka kheuh a, tho phang lek lek hian, “Eng nge ni?” a rawn ti a, “A pa a thi dawn niang, i tho ang” ka ti ta ringawt a. Ka u nen chuan hmanhmawh fe in kan tho chhuak a, ka u chu hmeichhia tih takah a tap chu a ni deuh nghal mai ...
Read more

KA LA TLAI LO VE

KA LA TLAI LO VE. 6/oct/2016 “Enge?” tiin ka ning lutuk chu ka han au a, ka nu chuan kawngkhar chu a rawn kik deuh karh karh a, “I office dawn lo a mi? Dar kua a ri tep tawh a nia” a rawn ti a. Ka phone chu ka han en a,  Hmanhmawh takin ka inperh tho nghal a. Ka bathroom ah chuan lutin ka intifai sawk sawk a, ka chhungten chaw an ei mek lai chuan ka va chhuak a. “Engtin nge I va kaihthawh ngam zawk a? Tuman kan ngam hleinem!” tiin ka pa chuan ka nu chu a lo bia a, ka hrelo emaw a ti a ni ang, ka hre reng si a, lawm tur nge tah tur pawh ka hrethiam lo. Dawkan chu ka va kil ve thuai a, ka nau Tlankima fanu chuan min lo melh hrek hrek a. “A ni,  Monthly fee ka la pe ve lo a nia” a rawn ti a, chaw ei pah chuan ka pek tur thu chu ka hrilh nghal a. Tlankima chu a lo nui suk a, “I ni hi chuan a duat ngawt mai che” a ti a, Remmawii chu a nui a. Kan monu Diki chu a raipuar leh luah tawh a,  a mit chu a khap zuk zuk a, melh pawh min melh lo chuan chaw ka duh leh d...
Read more