KA NU DAMLAI THLA


Ka nu chuan min tur sek tawh a, khua a vawtin ruah a sur cherh cerh bawk si a, dik tak chuan ka peih lo hle. Mahse a thu han hnial a, han peih loh pui bur lah chu ka duh si lo a, muangchang in ka insiam a, khua a that deuh ka nghak pah bawk a.
Chumi ni chu ka nu chu a ngui in a lungngaih hmel em em a, a chhan lah chu engmah a sawi silo. Chu mi ni taka Aizawla kal a duh tut tut mai chu ka ngei viau na in, a tan a pawimawh ve ngang a ni ang, tiin a thu chu ka zawm zawk chauh a ni.
“I hman tawh em? Dar sawm a ri tawh a nia, kan thleng tlai lutuk ang, bakah muangchanga tlan a, him dam taka thlen ka duh a nia” tiin ka insiam lai chu a rawn vir deuh sek a.
“Enge kan tih dawn reng reng a?” tiin ka han zawr a.
“Mitthi vui naah kan kal dawn”.
“Tunge thi a?”
“Kan chhung hnai deuh te, I hre kher lovang”
“Ka pa te lam em ni?”
“Aw, chutiang deuh chu a ni. Ka kal lovang ka ti zet na a, mahse va kal leh kha tha zawkin ka hria a” a ti a, a shawl bah chu a siam tha sek sek a.
Ka pa te lam hi tumah kan hrelo. Ka nu hian a sawi duh loh bakah keini pawh hian kan va ngaihven pui tehchiam lo va, a chhan chu ka pa hian kan naupan lain ka nu ho hian min chhuahsan a, ka pi te hnen atanga ka hriat leh dan phei chu sawichhuah vek tlak pawh a nilo. Chungte avang chuan keini unau thinlungah chuan ka pa huatna nasa tak chu a inmung chho reng a, ka pi leh pu te puihna azarah ka nu chuan min enkawl puitling a, kan in kan hralhna sum tlemte a bul kan tan kan dawr chu kan eibel ber a ni a, hausak puina tham khawp a hlawk nilo mahse kan nitin mamawh a phuhruk ve tlat avang in ka pa te lam puihna kan mamawh ngai bik reng reng lo.
“Aizawl lamah chuan ruah hi a sur leh ngei ngei ang” tiin ka nu chuan ka Rain coat chu a zawng a, kei chuan ka leithar chu ka lo ha mawlh mawlh a, “Ka la ha ve peih lo, ruah pawh ala sur em em hran loh hi” a ti liam mai a, tichuan ka nu nen chuan Bike in kan inphur chhuak a, km 25 leka hla a nih avang in ka nu pawh hian Bike a chuan mai hi awlsam a ti a, bungrua a lak dawn loh phei chuan ka buai leh buai loh pawh hi sawi lovin min ngen chawt a, keilah chuan nu te thu awih lo ngam heklo, phur awm takin ka hruai ve mai zel bawk a.
Kan khua kan pel fel tih ah chuan kawngpui te chu a lo huh dum hlurh a, a nal deuh avang chuan tlemin ka han tlanmuang deuh a. Thli lah chu a rawn thaw vuk vuk a, fur pui pawh nisi lo, chutia ruah a sur chu a ninawm tak zet. Tlema dam lai deuh te phei chu a vawt lehzual a, ka nu chu a khur bauh bauh tih pawh ka hria a, mahse hetiang reng hi a  ni dawn tih pawh a hreve reng a, vawt a tih leh tih loh pawh chu ka zawt duh bik lem lo.
Aizawl pawh km  chauh a hla a ni tawh a, khua lah chu a rawn vawt zual a, boruakah chuan rim danglam tak a rawn nam a. A tirah chuan Thingse par rim emaw ka han ti dawn a, Thingse par rim ai chuan a na deuh si a, uih han ti dawn ila, a thang deuh bawk nen, “Ka nu, rim chu I hre ve em?” ka va ti a, “Hre ve nang, eng rim nge?” a rawn ti a, “Thingse par uih rim deuh a ang ber” ka’n ti a, ka nu chuan min chhang ta lem lo a, mahse kawi khat kan han kawi leh chiah chuan ka hma zawna mihring lo ding ang deuh chu ka va hmu a.
“Engtak ni ang maw” ti rilru chung chuan kan tlan zel a, a zawn kan thlen hma deuh chuan a rawn hawichhuak phut a, karei, min rap luttuk, ka nu hmel ang chiah pu, a mit leh a hnar atanga thisen chhuak pur mai hi a lo ni a, ka han tlanmuang deuh a, mahse ka hlau ngang a ni ang, hawi let tur pawh chuan ka ding ngam thlawt lo.
“Nu, nu” tiin ka han ko a,
“Enge?” a rawn ti a,
“Kawngchhaka mi kha I hmu ve em?”
“Eng kawngchhaka mi?”
“Tun lawka kan tlan pelh kha”
“Chhak lam ka hawi char char a lawm, chutiang engmah ka hmu lo, I mitvai vel a niang” a ti duh lek a. Ka mitvai ni se, khatiang tak khan min rap lovang. Nge ka hmuhsual mai mai ni ang tiin ka inngaihtuah nasa khawp a, ka nu hmel ang chiah a ni kher khan min rap zual a, kan accident dawn emaw ni chu aw, ka ti rilru a, mahse kan tlanmuang a, motor an tlem bawk si a, accident na chhan tur awm ang ka hre bawk si lo. Chutia ka inngaihtuah lai mek chuan kan hmaah chuan a hmaa ka hmuh ang bawk, mihring ang deuh chu a lo awm leh a.
“Nu, saw lo en rawh, saw tiang chiah chiah sawn a lo awm a, a rawn hawichhuak thut a lawm” ka ti a, ka nu chu a insiam rem a, “Khawi maw?” tiin ka ding lamah chuan a rawn hawichhuak a.
“Mihring chu a an ve khawp saw le” ka nu chuan a han ti a, kan hnaih zel a, a hma ang bawk chuan a rawn hawichhuak thut a, a ban chu a rawn vai lauh lauh a, chutah ka nu chu a te thawt a, “Mama, ka duh lo. Ding rawh” a ti ta tuarh tuarh a, a hmu ve ngei a ni ang. Thui pawh kan la pel lo, Bike chu ka tiding a, “I haw ang. I haw nghal ang” tiin ka nu chuan a ti ta nghal chuk chuk a. Ka in her mek lai chuan kan hnung lam atang chuan Sumo hian min rawn su pawp a, ka nu te vawn vawn ri bak chu engmah ka hre ta bik lo.
Thla li a ral leh meuh chuan ka hliam te pawh a dam tawh a, mahse ka thinlung hliam chu na tak a ni. Ka nu in min ring em em a, mahse a rin ang in ka awm ta si lo. Ka nu thihna ah chuan keimah leh keimah ka in puh a, ka hliam ai mah chuan ka rilru na chu a dam har zawk a, ala zual dawn chauh emaw tih mai tur a ni.
Ka nau nen chuan kan inah chuan kan han awm ren rawn a, kan in a lo leng thin thenrual te pawh an kiam fel tawh a, ka pi te an la rawn lang zauh zauh tih loh chu miten min rawn tlawhpawh teh vak lo.
Ka nu boral lai vel khan ka pa hmel reng reng a rawn lang lo va, ka thin a rim khawp a, ka nau ka hrilh lah chuan a ni lah chuan engah mah ngai lo turin min ti a, mahse pa nei ve lem a, hmuh loh rikngawt zawng, ka ti a, ka pi ka va zawt a, ani pawh chuan min hrilh tha duh tehchiam lo va, ka kar nasat em avang chuan a hming leh an vengte chu min hrilh ta a. Mahse ka nu nen Aizawl kan kal ni kha ka pa ruang ni a ni tih pawh chu min hrilh tlang nghal law law bawk a.
A tukah Aizawl pan chuan ka bike nen bawk chuan ka inkhalh chhuak leh ta a. Ka nu tel lova ka inkhalhchhuah leh na hmasa ber a ni. Ka nu ngawt chu ka mitthlaah a rawn lang a, ka ngai em em a, ka nu thla ka hmuh hmasakna ka thlen phei chuan a hmaa rap viau khan, hmuh leh ka chak zek zek zawk a, mahse chutiang reng reng chu hmuh tur a awm tawh lo. Ka tlan zel a, ka nu thla kan hmuhna leh ka nu boral na hmun chu ka va thleng leh a, hmuh beisei takin ka han hawi kual a, engmah ka hmuh chuang lo. Rei pawh ka  tlan hman lo tih ah ka hmaah chuan mipakhat hi a lo ding chawt a, ka va hnaih tial tial a, a dan ngaite bawk in a rawn hawi chhuak leh thut a, ka bike chu ka tiding chawt a, ka inher a, ka tlan haw ta nghal a. Ka nu kha chuan a pumpelh hauh lo va, kei chuan ka pumpelh ngei tur a ni, ka ti rilru a.
 Chutah kawngchhak atang chuan lung a rawn lum ta rum rum a.

Comments

Post a Comment

Popular posts from this blog

THENAWM NUTHLAWI

Kan in thar chu kan luah lut chauh a, ka pi dam lo nen, kan buai em em mai a. Mahse ka pi ber chuan “In thar aṭang  lo chuan kal ka tum lo, kal mah ila thlamuang pawhin ka kal chuang lovang” a ti vel bawk si nen, Hmanhmawh deuh takin kan luah phei chuk chuk chu a ni a. Kan veng chu Aizawl hmar lam, khawpui hulum takin a chim loh tak a ni a, ṭhenawm tur pawh in li nga emaw lek chauh an awm a, a reh in ka pi pawh chu a ṭha  leh sawt sawt emaw tih tur a ni a. Ka pa phei chu a lawm em em a, amah hringtu pawh ni lo mahse fa ang taka en tlattu a nih avang leh nuhrawn a ni tih pawh lang miah lova a enkawl avang chuan ka pa pawh chuan a hmangaih hle hian ka hria a, a office bang te hi ka pi a pan hmasa ber ziah a, ka pi duh chitin reng chu kan leisak emaw tih mai tur hi a ni. Kan naupan lai phei chuan ka pi chu min awmtu ber a ni a, naupang ho phei chuan kan ngaiin rei tak chhung chu ka pi bulah ka mu nghe nghe. Chutia inthar kan han luah chu kan ṭhenawmte  tur te pawh c...
Read more

RUANG KHAWHAR.

RUANG KHAWHAR. Ka bula mu ka u chu a muhil tawh a, kan piahah chuan U mama fate ho chu a nupui U Thlamuani hovin mu bawk a. Ka muhil thei lo va, tlaiah khan ka inbual lo va, ka bal nasa mai si, ka thak sep sep a, ka muhil thei lo a ni. Ka nu pawh a muhil bik lo tih a thaw atang chuan ka hria a, a chhan chu ka pa chu Vai Sipai hoin an ko leh tlat a, engtin nge an lo tih ang tih chu ka hrethiam chiah lo na a, thil lawmawm tak a ni chuan ka hre bik hauh lo. Kan kawngka chu a rawn ri rak rak a, ka nu chu a tho nghal thuai a, kan bang awng atang chuan ka bih ve nghal thuai bawk a. Ka nu in kawngka a han hawng chiah chu ka pa chu a rawn tlu lut tawp mai a. Ka phu deuh zawk a. A hmai leh a taksate chu thisen in a khat vek a, ka nu chu a au deuh tuarh a. Ka u chu ka kheuh a, tho phang lek lek hian, “Eng nge ni?” a rawn ti a, “A pa a thi dawn niang, i tho ang” ka ti ta ringawt a. Ka u nen chuan hmanhmawh fe in kan tho chhuak a, ka u chu hmeichhia tih takah a tap chu a ni deuh nghal mai ...
Read more

KA LA TLAI LO VE

KA LA TLAI LO VE. 6/oct/2016 “Enge?” tiin ka ning lutuk chu ka han au a, ka nu chuan kawngkhar chu a rawn kik deuh karh karh a, “I office dawn lo a mi? Dar kua a ri tep tawh a nia” a rawn ti a. Ka phone chu ka han en a,  Hmanhmawh takin ka inperh tho nghal a. Ka bathroom ah chuan lutin ka intifai sawk sawk a, ka chhungten chaw an ei mek lai chuan ka va chhuak a. “Engtin nge I va kaihthawh ngam zawk a? Tuman kan ngam hleinem!” tiin ka pa chuan ka nu chu a lo bia a, ka hrelo emaw a ti a ni ang, ka hre reng si a, lawm tur nge tah tur pawh ka hrethiam lo. Dawkan chu ka va kil ve thuai a, ka nau Tlankima fanu chuan min lo melh hrek hrek a. “A ni,  Monthly fee ka la pe ve lo a nia” a rawn ti a, chaw ei pah chuan ka pek tur thu chu ka hrilh nghal a. Tlankima chu a lo nui suk a, “I ni hi chuan a duat ngawt mai che” a ti a, Remmawii chu a nui a. Kan monu Diki chu a raipuar leh luah tawh a,  a mit chu a khap zuk zuk a, melh pawh min melh lo chuan chaw ka duh leh d...
Read more